انا سميتي اكرام تشيوتي عندي 25 سنة و حاليا كنقرا ف سلك الماستر تخصص تاريخ و حضارة .. انا هاوية فى مجال فن الرسم لي كنعتابرو من الفنون الجميلة لي عطاتني نوع من التميز و الاختلاف .. لكن بزاف ديال ناس كيوسولني واش الرسم موهبة فطرية ام اكتسبتها ام انها جات عن طريق خبرة معينة ؟؟ لكن ممكن يختلفو بزاف الرسامة كل و كيفاش اكتاسبو فن رسم .. و على حسب طريق الاكتساب كتختلاف الابداعات و طريقة التعبير عنها .. لكن احسن طريقة لتكون هاد الموهبة هي الاكتساب لي كيكون مبني على بزاااف التراكمات من الماضي ديال الانسان مند الطفولة 

A post shared by Ikram Tchiouti (@ikramtchiouti) on Oct 27, 2017 at 2:14pm PDT

.. انا عن نفسي الورق الابيض و الاقلام الادوات الوحيدة لي كنقدر نتيق فيها و نفرغ فيها الاحساس الاجابي و السلبي ديالي .. الفن عندو معنى روحي كثر من مجرد تعريف من خلال كلمات متقطعة  الفن هو حالة استنطاق ل حواس ديالي .. حالة كتخليني ندمج الحواس ديالي دقة وحدة و نحس ب راسي خلقت حاسة جديدة .. الرسم هو وسيلة لتعبير عن الذات بطريقة تختلف عن باقي ناس .. و ايضل هو طريقة كنعبر بيها على الاحساس ديالي بكل حرية ..